|
अबको तामागी भनेको नयां
नेपाल बनाउने क्रममा जानु पर्दछ
Dear सम्पुर्ण तामागीथेंहरुमा हार्दीक
अभिवादन,
मेरो अनुभवको आधारमा आज म यस तामागी वेभसाईट मार्फत तामागी गाउं
सम्बन्धी एक दुई कुराहरु यहांहरु सामु छोटकरीमा प्रश्तुत गर्न
चाहन्छु ।
तामागी गाउं अहिले हामी सम्पुर्ण तामागीथेंहरुले छाडी सकेको
स्थिती मा भएको एउटा गाउं हुन पुगेको कुरा कसैले नकार्नै नसकीने
एउटा घोर सत्य बन्न पुगेको छ ।
आजको यस २१सौं शताब्दीमा आएर हामीले तामागी गाउं छाडनु परेको
यो एउटा समयको माग पनि हो जस्तो मलाई लाग्दछ । हामीहरुलाई
तामागीनै फर्केर जानु पर्ने बाध्यता छ जस्तो मलाई लाग्दैन ।
अहिलेको स्थितीमा भएको तामागीलाई हामीले पुरानो परम्परामा लानु
पनि संभव छ जस्तो मलाई लाग्दैन ।
अबको तामागी भनेको नयां नेपाल बनाउने क्रममा जानु पर्दछ भन्ने
मेरो सोंच हो । र त्यसो गर्नको निम्ती तामागीको पुर्ववाशीहरुले
मात्र गरेर हुन सक्ने कुरा हो जस्तो पनि मलाई लाग्दैन । अबको
संरचना भनेको एकदमै नयां हुनु पर्दछ । जसको लागी सबैको सहयोग र
योगदानको नितान्त आवश्यकता पर्दछ ।
यो संरचनामा तामागी गाउं यस क्षेत्रकै आर्थिक बिकाशको लागी
उपयुक्त र महत्वपुर्ण स्थान भएको थुप्रै अध्यनहरुबाट स्पष्ट
भएको आधारमा तयार हुनु पर्दछ। त्यो पुरा गर्ने क्रममा
प्राथमिकतामा पर्ने बिषय भनेको यसलाई सबैको समर्थन र सहयोग
गर्न ईच्छाशक्तीको निर्माण हुने बातावरण तयार पार्नु अतिनै
आवश्यकता छ । अहिलेसम्म त्यो शक्तीको कमी भएको देखिन्छ । त्यसको
एउटा ज्वलन्त उदाहरण भनेको आज त्यो गाउं एउटा ब्यक्ती रहित
स्टोन भिलेजको रुपमा परीणत हुन गएको हो भन्न सकिन्छ । यसबाट के
स्पष्ट हुन्छ भने तामागी गाउंलाई नयां नेपाल निर्माण गर्ने
प्रकियामा ढाल्नु पर्ने समय आएको देखिन्छ । त्यसो गर्नलाई हामी
तामागीथेंमैंहरुले हरेक पक्षहरुलाई नियालेर हेरी त्यसमा भएको
मुलभूत समस्याहरुको पहल निकाल्नै पर्दछ जस्तो मलाई लाग्दछ ।
पित्री घर बनाउने मात्र तामागीको आवश्यकता र माग हो जस्तो मलाई
लाग्दैन । त्यस क्षेत्रको बिकाशको पुर्वाधारको रुपमा तामागीमा
स्थापना भएको माछापुछ्रे बिकाश संघको कार्यलय र गांउ बिकाश
समितीको संरचना लाई ध्वस्त पार्ने जुन काम भएको थियो त्यो अतिनै
दुःखद पुर्ण घटना हो र त्यसबाट त्यो पुरानो संरचना भत्काउनु
खोज्नु अर्को बिडम्बना हो ।
लेफ्टीनेन्ट (रीटायर्ड) रामबहादुर गुरुड, बेलायत, 10 July 2010
|